Chhattisgarh pa pakhat chuan a fanu ruang, km 10 chuang zet ke ngata a kalpuiin an inah a hawpui a, he video a darh chiam hnuah hian an state Health Minister TS Singh Deo chuan chhui nghalna tur thupek a chhuah.

News agency PTI-in a tar lan dan chuan pain a fanu ruang a buaipui hi kum sarih mi a ni a. Surguja district-a Lakhanpur-ah, Community Health Centre-ah enkawl a ni.

A nu leh paten an sawi dan chuan a oxygen level nasa taka hniamin 60 vel a ni a. “Khawsik sang tak a nei a, enkawl thuai ngai a ni a, a dinhmun hniam zelin zing dar 7:30 velah a thi,” Dr Vinod Bhargav, Rural Medical Assistant (RMA), chuan a sawi.

A pa hi a fanu ruag phurh nana lirthei lo nghak tura an ngen laiin kein a hawpui ta mai niin doctor chuan a sawi.

A fanu ruang a pawm haw lai video hi nasa takin a darh zui ta a. Deo chuan, “Video kha ka hmu a, min tibuai hle a, CMHO chu a tul ang ti nghal turin ka ti a. Vido thehdarhtu pawh zawng turin ka ti a ni,” a ti.

“Lakhanpur khuaa damdawi ina thawk te chuan a pa hi a fanu ruang kea hawpui mai lo tur leh lo nghak turin an hrilh,” a ti bawk.