Maksak - Hmeichhia leh mipa hman kawp theih condom!

Admin - Nov 14, 2021

Hliam pemte dressing nana an hman thin atanga a siam chhuah a ni

Malaysian gynaecologist pakhat chuan khawvela unisex condom hmasa ber nia a sawi, hmeichhia leh mipain an hman kawp theih a siam chhuak.

Condom hi damdawi lam hmanrua, hliam pemte dressing nana an hman thin atanga a siam chhuah a ni.

A siam chhuaktu hian Wondaleaf Unisex Condom tia a sawi hi miin mipat hmeichhiat hmanna lama him leh tha zawk an neih theihna tur a nih a beisei thu a sawi bawk.

“A nihna takah chuan condom pangngai ang a ni mai a, thil banin a tuam tel,” tiin Twin Catalyst-a gynaecologist John Tang Ing Chinh chuan a sawi.

“Condom-a tuamtu ban hmang hian hmeichhia leh mipa serhah a tang thei dawn a, serh bakah a bul vel pawh a venghim tel thei dawn a ni,” tiin Tang chuan a sawi.

Thil ban hi condom-ah a lehlamah chauh hman tur a nih thu a sawi a, a awmzia chu a tawn tawna hman theih tihna a ni a, chu chu mipa leh hmeichhe tan a hman theih chhan pawh a ni.

Wondaleaf bawm khatah hian condom pahnih zel dah a ni a, chu chu an ram pawisain Ringgit 14.99 man a ni a, $3.61 man vel a ni a. Malaysia-ah hian condom pangngai hi 12 awmna bawm khat chu Ringgit 20-40 vel a ni.

Tang hian a condom siam nan hian polyurethane an tih, hliam pem dressing nana thil langtlang thei, pan tak, fei tak leh tui put tlang thei lo a hmang.

Share now