Washington state, United States-a putar chuan a kum 82 pianchamah chiah kum 17 chhung a lo beih tawh, basketball-a freethrow-ah vawi maktaduai khatna a vawm lut.

Eastside-a cheng, Tom Steury-ah hian kum 17 a beih chhung hian a vawm zinga 94% chu a lut a, basketball court-ah hian darkar 2,500 chuang hun a hmang a ni.

Ningania kum 82 a tlin niah chiah a vawi maktaduai khatna a vawm lut tling a ni.

“Nuam ka ti tak zet a ni,” tiin Steury-a hian KOMO-TV hnenah a sawi a. Vawi maktaduai a vawm lut tling lai en duha kal khawmte hmaah erawh a zam hle tih a sawi a, “Vawi tam tak ka thelh turah ka inngai a ni,” a ti.

Steury-a hian a tum thleng tur hian kum 17 chhung court-ah ni tin free throw vawi 100 chuang a theh/vawm ziah a. Tum khata a vawm hnem ber chu vawi 222 a nih thu a sawi bawk.