Lithuania khawpui daia CIA detention-a hman thin, thira hung in sei tak, corridor pawh thui tak, tukverh pawh awm lo, chhuat phah leh ri thupna kawngka a inthuam chu zawrh a ni dawn.

Washington-in ‘rendition programme’ tia an sawi thin hi Afghanistan leh Iraq-a buaina a awm laia Islamist hel pawl nia rin ten United States pawna an siam nia sawi a ni a, indo a tawp hnuah kum tam tak hman zui a ni tawh lo.

European Court of Human Rights chuan pindan 10 awm, Vilnius khawpui dai, Antaviliai khuaa pine forest vurin a bawh luk kara awm hi CIA chuan kum 2005-06 chhung khan mi firfiak nia a rinte a tantirna niin a sawi.

‘Project No. 2’ tih emaw, ‘Detention Site Violet’ ti emawin sawi thin a ni.

Lithuania hian Russian KGB jail thin chu Vilnius lailiah an nei bawk a, mi 767 zet kum 1940 chhunga Soviet dodalna a nasat laia an tihhlumna hmun a ni a, khualzinte a hip hle nghe nghe a. Tuna CIA hmun bik erawh museum-a chantir a tum lem lo.