Sap rama khawlaia bawlhhlawh bawm lir thei an hun thin, wheelie bin an tih pakhat, Hampshire, UK-a mi chu a awmna hmun pangngai atanga mel 1,200-a hla, indona hmun, Ukraine-ah hmuh teh daih a ni.

Test Valley Borough Council (TVBC) bawlhhlawh bawm hi Polish ramri bul lawka hnathawka awm chanchinbumi pakhatin a hmu a ni.

Philip Crowther-a hi AP news agency tan Ukraine-a indona thuthar lakhawm tura awm niin a thil hmun hi video lain Twitter-ah a dah a, mak tih a hlawh hle.

Bawlhhlawh bawm hi June 10-a chawlhkar hnih lai a awm tawhna, Lviv a chhuahsan dawna a hmuh niin Hampshire Chronicle chanchinbu chuan a tar lang.

Poland ram luh hma lawk, Hlynystsi-a kawng sirah a hmu a, border guard station-a miten an hman lai a ni.

Crowther-a hian council hnenah hian, “In wheelie bin pakhatin engtin nge Ukraine a thlen theih, tuin nge va dah?” tiin a zawt.

Andover leh Romsey khaw enkawltu, TVBC chuan an note bu an hai a, engtin nge a bo theih tih leh a thlen theih an la hre mai thei lo tiin an chhang.