Northern Ireland-a ui bo chu ni 26 zet hnuah hmuh leh a ni a, an hmuhna chu amah lo enkawltu hmasate hnenah a ni a, mel 40 chuang zet kalin a pute in hi a pan leh ngat a ni.

Ui leh zawhte bo zawngtu, Lost Paws NI chuan golden retriever pa, Cooper tia a hming an phuah hi a neitu hmasate hian an hnenah an hlan a, neitu tharin lain an enkawl zui ta niin an sawi.

Cooper-a hi a neitu tharten an in an thlenpui chiahah car atangin a tlan chhuak a, zawn hmuh zui mai a ni ta lo va, ni tam tak a liam hnuah a neitu hmasate awmnaah hmuh leh a ni ta a ni.

Zawn a nih chhung, a neitu hmasate in a la thlen hma hian hmun hrang hrangah hmutu an awm a; mahse, man theih a ni lo zel a. County Tyrone kal pelin a pu hluite hi a pan ta zel niin an sawi.

Cooper-a hi a kal zel a, a neitu hmasate awmna, Tobermore a thlen chuan an lo kawl thei ta a, neitu tharte awmna, Dungannon atang chuan mel 40 daiha hla a ni.

Cooper-a hi a neitu tharte hian an la let leh tawh a, a zin thui em avang hian a rihna pawh a hloh nasa niin an sawi a; mahse, enkawlin dam leh chak lam a pan mek zel niin an sawi.