Arizona-a ice cream zawrhna dawr pakhat chuan milkshake flavor (a tui dan hrang hrang) 266 zet siam chhuaka zuarin Guinness World Record an siam a, heng thilte hi darkar khat chuang awrh chhunga an siam zawh vek a ni nghe nghe.

Seligman-a ice cream zawrhna, Snow Cap hian motor oil company lian, Mobil 1-in Keep Route 66 tour an kalpui meka an hmun an thlen ruala an hmuh theih tura milkshake flavor chi hrang hrang pho chhuaha Guinness World Record-a hming lan a ngei tumin an bei a ni.

Guinness World Records atang endiktute chuan dawr neitu, Delgadillo chhungkaw hnenah darkar khat leh minute 15 lek chhunga milkshake tui dan hrang hrang an pho chhuah theih avangin record an siam tih tar lanna an hlan.

Snow Cap-in flavor chi hrang hrang an siam zingah hian lar lem lo, peanut butter & onion ring, banana & chili leh orange & fish burger pawh a tel.