Khawvela ram ropui bera chhal, United States ral relna hmunpui, Pentagon-a venhimna khauh tak karah arpui a lo tla lut nawlh mai a, engtia thleng nge hriat mai theih pawh a ni lo.

Arpui hi US Department of Defense headquarters bulah a lo tla tih Animal Welfare League of Arlington, Virginia chuan social media-ah an tar lang.

“A tirah zawhna awm nghal chu, ‘Pentagon-a lut turin engvangin nge arpuiin kawngpui a kân?’ tih a ni,” an ti.

League-a thawk pakhatin arpui hi a la a. An pawl thupuangtu, Chelsea Jones chuan an manna hmun tak chu sawi a rem lo tih a sawi a, “Kan sawi theih chhun chu security checkpoint pakhatah a ni,” a ti.

Arpui hi khawi atanga lut nge tih leh engtin nge Pentagon-ah a luh theih tih an hre lo.

A buang leh a sen niin a hmul pawh a dak hle a, Rhode Island Red an tih ang chi niin Jone schuan a ngainatawmin a ti hle niin a sawi a. Mi tlem chauhvin an enkawl thei niin a sawi.
    A hming atan Henny Penny tih a phuah a. Thawktu pakhat, Virginia-a huan neiin enkawl turin a la tih a sawi.