Ohio, United States-a nu pakhat hi a che pui ve khawp mai. Taylor Swift-i concert a enna hmunah nau a vei a, a hring hman lo chauh!

Tori Hedges-i hian a nau pai lai hrin nan hian chawlhkar a la ngai dawn niin a inngai a, Swift-i Eras Tour concert hi Cincinnati-ah a thiannu nen an en ve a ni tih a sawi.

“Kan kal thei tur chu kan hlim khawp a, tha taka kan tel theih kan inbeisei a, vanneihthlak takin concert hun tam zawk chu kan tel hman reng a ni,” tiin WBTV hnenah a sawi.

Hedges-i hi stadium hnung lam chhawng sangah a thu a, concert a zawha hnuai lama an chhuk chuan a tui bawm a keh ta a, an buai ta a ni.

“Dawhsan atanga a chhuah hnu minute 20 pawh la tling lovah kan haw dawn a. ‘Bathroom-ah ka luh vat a ngai,’ ka ti chhuak,” tiin a sawi.

“Ka thiannu chuan ka awm dan a hmuhin kan bul hnaia lo kal hmasa ber chu a lo pawt ding a ni,” a ti.

An pawh din chawp, Niko Lacobucci-a hian 911 a kohsak a. “A hming pawh ka hre lo, a hnuah text-in ka zawt chawp,” tiin Lacobucci hian a sawi.

Ambulance hmangin Hedges-i hi damdawi inah hruai niin a fapa, Lyle tia a hming a sak chu a hring ta a ni.

“Miin nu niin ka nun bung thar ka kai tih min hrilh a, Eras Tour chhimin mi thar nen ka haw a ni,” tiin Hedges-i hian a sawi.