Indona chhuahna hmun, Ukraine-a Indian zirlai tangkhang pakhat, a zawhte duat tak chhanchhuah a duh avanga hrehawm tam tak tuar chuan India a thleng ta.

Kum 21 mi, Akhil Radhakrishnan-a hi Kerala-a mi niin Kharkiv National Medical University-ah kum hnih a zir tawh a. Indona a chhuaha Indian-te hruai haw a nih dawn khan a zawhte hi hawpui a tum a; mahse, thlawhna chuanpui mai a lo theih loh avangin a haw theihna hun hmasa pawh haw duh lova hawpui dan dap ngat a ni.

Ammini tia a hming a phuah a zawhte hi Radhakrishnan-a hian college-a a senior-ten thla li kaltaa an hlanchhawn a ni.

Chawlhkar hnih liam ta chhung khan India-a a zawhte nena haw tur hian a buai hle a. Budapest thleng tur ringawt pawhin a bei nasa hle a ni.

“Car-a kan kal hrep hnuah rel kan man a, Kyiv kan thleng a. Bus-in Chop kan pan leh a, rel pahniha chuang lehin Budapest kan thleng hram a ni,” a ti.

Thlawhnaah hian ran chuanpui hi a lo rem mai lo va, rei tak buaipui a ni a. Lehkha tam tak tihfel ngai leh nghah ngai a awm a, an tifel thei ta a ni.