ZALEN October 12, 2024 : Food, Civil Supplies & Consumer Affairs Department chuan Petrol, Diesel leh LPG te inchuh buai a awm loh nan mipuite mahni mamawh ang chin chauh la turin an ngen.

Thuchhuah an siamah FCS&CA dept. chuan Mizoramah Petrol, Diesel leh LPG te hi mumal takin a rawn thleng lût reng a, fur ruahtui tam avangin kawngte'n duh thu a sam lova, kalkawngah a rawn phurtu motor-te an rawn thang rei deuh thin a. Mizorama rawn phurh luh leh a thlengte chu a pangngai reng niin an sawi .

Mipuite'n mahni hmasiala mamawh zat aia tam Petrol leh Diesel-te kan chhekkhawl thin avangin mipui tam zawk tan harsatna kan siam thin a, tul lovah Petrol changin POL Retail Outlet (Petrol pump) ah inchuh luai luaite a thlen phah niin an sawi bawk.