Aizawl; ZNP chuan Mizoram in Gas ah harsatna a tawk reng mai chu hriatthiam harsa an tih thu leh hemi kawnga a changtu Minister inthiarfihlim a tum fo chu vanduaithlak an tih thu an sawi. Nimin khan Zoram Nationalist Party (ZNP) hnuaia Legal & Public Interest Department chuan Aizawl Press Club ah chanchinbumite an kawm a, LPG (gas) chungchangah sawrkar chu a chak tawk lo hle a ni tiin Gas sem leh pek chhuah ah sawrkarin mawh a phur a ni, an ti. ZNP chuan Mizoram sawrkarin NLUP a semah Ruling Party ni lo te chu an pawisa dawn tur 'cut' sak an awm nia an hriat thu sawiin chung mite chu an hnenah in report turin an ngen tih an sawi a, a tul anga umzui zel an tum tih an sawi bawk. ZNP chuan Mizoram ah contractor 700 vel an awm nia sawiin contract hna tam zawk chu contractor pawh nilo ruling party worker ten an thawk thin tih an sawi a. Hei hian tender ko lova hna inpek a ti hluar tih sawiin an party chuan tihbo an tum tih an sawi bawk. Press Conference hi Lallunghnema General Secretary, ZNP Legal & Public Interest Department in a kaihruai a ni. Thla 3 kalta a Gas dinhmun Mizoram gas connection nei 2,80,000 vel an awm a, thla 1 ah Mizoram in bur nuai 1 a chawlut tlinglo. Kumin March atanga May thla thleng khan Mizoram a gas chawkluh zat a hniam zel a. March - Cylinder 1,20,614, April - Cylinder 91,134 , May- Cylinder 87,018