Aizawl; Zirtawpni kalta (May 23,2014) khan I&PR Conference hall, Mamit ah Media Workshop neih a ni a, he hunah hian Mamit khaw chhunga MJA member te bakah YMA leh Kohhran chanchinbu khawihtute an tel. Media Workshop hi R.Lalmuanpuia, Mamit district MJA President in a kaihruai a, workshop hawnna thu sawitu I&PR Director Jim K.Chozah chuan Media lama thawktute chu an hnathawhah an chian a ngai tih sawiin mipuite thudik hriattir chu media te tih makmawh a ni, a ti. Thusawitu dang MJA Treasurer R.Lalhmangaihzuala pawhin rinawm taka hna kan thawh a ngai a ni tiin mimal hamthatna umin Press miten kan hna kan hralh tur a ni lo a. Kan hna hian mawhphurhna lian tak a keng tel a, chi leh chi, sakhua leh sakhua inhuatna tichhuak thei ang chite chu kan tarlan a thianglo a ni a ti bawk. Workshop ah hian Lalsiama Fambawl, MIS, Deputy Director (Rtd) in 'Practising Journalism' tih thupui hmanga paper a buatsaih leh Julie Lalrinzami Judicial Magistrate, Mamit buatsaih 'Media Rights and Duties' tih chu zirho a niin sawihona bakah zawhna leh chhanna hun hmanho a ni bawk.