ZALEN December 18, 2025: Excise & Narcotics Department Mamit te chuan Thawhtanni tuktina Devotion an neih thawhlawm tlingkhawm leh Compensatory Allowance atanga thawhkhawm hmangin Krismas luanchhuah hun an hmang. Hemi ni hian chhungkaw harsa nâtna khirh-in a tlakbuak chhungkaw hnih (2) te leh Mamit District Hospital Poor Fund atan thilpek an pe a ni.

Kumin January atanga vawiin December ni 18 thleng hian NDPS leh MLP ah hetiang hian ruihhlo chi hrang hrang man leh case register tawh a ni :-

1. No. of cases registered : 313

2. No. of persons arrested : 219

3. Heroin seized :- 49.080 grams

4. Ganja : 3024 grams

5. Codeine based cough Syrup : 50 phials

6. Alprazolam : 255.420 grams

7. Rakzu : 1937.975 litres

8. Fermented Rice : 4881 tins

9. IMFL : 102.750 litres

10. Beer : 129 can

11. Grape Wine/Juice : 36 bots

12. Pot : 102 nos.

13. Vehicle : 7 nos.

Mamit Excise te hian Mamit District chhunga khaw hrang hrang a Ruihhlo la ti ve lo te hnenah Drugs Awareness Campaign an neih thin bakah Tripura State chhunga Zampui tlangdung-ah te hemi chhung hian Drugs Awareness Campaign an nei tawh bawk.

Asst. Commissioner Lalsangzuala Ralte chuan Mamit District chhunga NGO hrang hrang te leh Kohhran te nen ruihhlo dona kawnga an thawkho tha êm êm mai chu a lawmawm takzet tih sawiin Kohhran te thûk zawka ruihhlo dona lama an rawn pen lut chu thil chhinchhiahtlak tak a ni a ti.