Man City forward pahnih chu Premier League leh Women’s Super League-a top-flight football-a goal khung hnem ber an ni mek. England lama a season khat chamnaah Erling Haaland hian game 16 khelhah goal 22 a khung tawh a, inelna hrang hrangah goal 17 a khung a, chung zinga goal 17 chu Premier League-a match 11 atanga a thun an ni. 

Season liam ta khan Khadija ‘Bunny’ Shaw’ chuan WSL  lama a season hmanna hmasa berah game 17 chhung inlanin goal 9 zet a khung. Kumin hian Ellen White-i'n a chawlhsan takah Shaw hian City lamah a hmun rawn luah zuiin goal khung a chawlhsan duh meuh lo. Inelna hrang hrang game ruk khel tawhin goal sarih a khung tawh a, WSL tana game li a khelhah goal nga a khung bawk.

Norwegian striker naupang hian kum 2021 khan Bundesliga-ah Dortmund tan goal 27 a khung a, season liamta khan goal 22 a khung bawk. Tun season-ah City tan League match 11 khelhah goal 17 a khung tawh a, record khum tumin hmalam a pan mek. 

Hmeichhe lamah Arsenal tan Vivianne Miedema chu hmahruaitu niin August 2022 thleng khan goal 74 a khung tling tawh. Nikum khan Chelsea tan Sam Kerr chuan WSL goal khung hnem berin game 22 khelhah goal 20 a khung a, Miedema chu pahnihna a ni a, goal 14 a khung .

Haaland leh Shaw-te hian tun ang renga goal an khung chho thei a nih chuan Shaw’s hian match 35-ah goal 58 a khung laiin Haaland hian game 63-ah goal 86 a khung thung ang.