Haaland hian nipui transfer laiin Borussia Dortmund aṭangin Manchester City a zawm a, season duhawm tak a hmang chho mek.

October ni 25-a a club hlui Borussia Dortmund nen an inhmachhawn tumin Haaland hi a khua sikin a keah hliam a nei bawk a, hei vang hian half time-ah thlak a ni. Leicester City nen league match-a an in hmachhawn tumin a inlan thei tawh lo bawk. Champions League-ah Sevilla an hmachhawn hunah a inlan theiin a rinawm loh.

Inrinni khian City hian Fulham an hmachhawn dawn a, dam chho mek Erling Haaland pawh a inlan hman turah Manchester City manager Pep Guardiola chuan a ngai.

Guardiola chuan,"Zirtawpni leh Pathianni nena khaikhin chuan a dam tawh viau naa 100% erawh a ni lo. Tunah chun risk lak kan duh rih lo va, nakin zelah a tha lo thei. Mahse, Fulham kan hmachhawn hunah erawh a rawn kir leh ngei kan beisei," a ti.

Haaland hian City tan ropui taka khelin game 15 a khelh tawhah goal 22 khung tawhin record a siama ni.

Champions League group-a pakhatnanimek City hian an home-ah Sevilla an hmachhawn dawn a, last 16 an inhlangkai tawh a ni.