DOWNLOAD OUR APP

Read latest news on your phone
app-store
Man Utd 3-0 Brentford: CR7 zarah Red Devil-in UCL khelhna chance chhete an la nei
May 03, 2022

Kumin hi Manchester United tan chuan season duhawm a ni lo. Tun season-a an home match hnuhnung berah Brentfort 3-0 an hneh a, United-in point thum an hlawh chhuah zan hian Bruno Fernandes, Cristiano Ronaldo leh Raphael Varane ten goal khat theuh an thun. Tihian United hian point 58 an neia, Spurs hnuaiah awmin table lamah parukna an hauh mek a, UCL khel turin chance chhete an la nei.  

Mi tam takin a kum a upa mah mah tawh an tih Ronaldo bawk a langsar leh a, Portugal star hian United tan a game hnuhnung pakua-ah goal 8 a thun a, chung zinga goal 7 chu Old Trafford lama a thun a ni bawk. United goal hnihna tur Ronaldo-a'n mawi taka a fthun chu VAR hmanga ennawn a nih hnuah alo offside tih hmuhchhuah a ni a, goal-ah an pawm leh lo. 

United lam hian minute 8-na lekah Bruno Fernandes hmangin goal hmahruai an thun a, minute 60-naah Ronaldo a rawn lang, box chhungah Rico Henry -a'n a tihtluk vangin Brentfort lamin penalty an chawi, Ronaldo rawn pen chhuakin United goal hnihna a rawn thun. Minute 71 a ni a, an chak nemnghe nan Raphael Varane chuan an goal thumna thunin goal dang a luh belh lo. 

Line-ups
Man Utd XI: Ronaldo, Mata, Matic, De Gea, Alex Telles, Lindelof, Varane, Bruno Fernandes, Dalot, McTominay, A. Elanga
Subs: Cavani, Jones, Fred, Lingard, Bailly, Dean Henderson, Rashford, Alejandro Garnacho, Álvaro Fernández

Brentford XI: P. Jansson, Eriksen, C. Nørgaard, I. Toney, David Raya, K. Ajer, R. Henry, Janelt, M. Sørensen, M. Rasmussen, B. Mbeumo
Subs: J. Jeanvier, Y. Wissa, T. Fosu-Henry, J. Dasilva, M. Jensen, Álvaro Fernández, S. Baptiste, N. Young-Coombes, Fin Stevens

 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh