Manchester United player ropui Eric Cantona chuan football player hrang hlui pahnih, hun rei tak chhung club khat tana ropui taka khel thei leh an inkhelh lai ngei ngei a legend tih hial khawpa player ropui a tih leh a ngaihsan em em pahnih an awm thu a sawi.

Cantona chuan United legend Ryan Giggs, kum 48 leh AC Milan icon Paolo Maldini, kum 54 te chuan fak an phu thu a sawi a,”An pahnih hian kum 24 chhung zet chu an club tana rinawm takin an khel a, club danga peng miah lovin an club tan an hun tawp thleng theh tawp an chhuah a, anni pahnih ang hi player dang tumah an awm lo a ni,” a ti. 

Frenchman chuan The Athletic hnenah,"Tuna ka awmnaah hian ka lawm tawk khawp mai. Khawvel dangah hun ropui tak ka hmang rih mek a, football khawvel-a chen a, manager han nih emaw ai pawhin ka ngaihdanah chuan a nuam zawk a ni," tiin a sawi.

 "Ryan Giggs emaw Paolo Maldini emaw hi ka ngaisang hle a, professional anga kum 20 chhung club khat tana an khel thei hi a ropui em em a ni. An tih ang hi ka tih theih loh avangin ka ngaisang a ni. Anni ang hi chuan kei chuan ka thei ve lo, thil dang tawnhriat chak mihring ka nih vang te pawh a ni maithei." a ti.