Manager tha zawkah Klopp-a’n min siam: Pep Guardiola

Admin - Oct 03, 2021

Premier League club tha ber tia chhal ngam club an enkawl

Manchester City manager Pep Guardiola chuan an hmelma Liverpool manager  Jurgen Klopp-a chuan manager tha zawkah a chhuah niin a sawi. 

Tunah hian Premier League lamah Liverpool hnuai chiahah City hi an awm mek a, zanin hian an inkhel dawn a ni. Kum li chhunga City-in Premier League an chawi loh awmchhun 2019-2020 season khan Liverpool hi an champion a, Klopp-a enkawl Liverpool leh Guardiola-a enkawl Manchester City hi tun hnaia Premier League club tha ber tia chhal ngam an ni. 

Guardiola chuan, “He hmuna ka rawn ka kum tih loh kha chu kan kiangah Liverpool hi an awm ve reng thei,” tiin Premier League lama an el pui ber an nih thu a sawi chhuak. Zanin hian Anfield lamah team pahnih te hi an inhmachhawn dawn a, point 3 hmu thei zawk an awm a nih chuan point 16 neiin Premier League hmahruaitu an ni dawn a ni. 

Guardiola chuan, “Jurgen Klopp-a team hian manager tha zawkah min chhuah a ni,” “Tun thlenga he business-a ka la awm theih chhan pawh hi amah vang liau liau a ni,” tiin Klopp a fak hle. 

Share now