Erik ten Hag chuan Manchester United  squad zingah player panga chauh a rinchhan thei niin pundit Paul Scholes leh Owen Hargreaves te chuan an sawi.

Dutch boss hian Europa League-ah nilaini zan khan Old Trafford-ah Cyprus team Omonia Nicosia chu si khat faiin an hneh hram a, in chhuang thei an ni lo. 

United midfielder hlui pahnih te hian Ten Hag-a chungchang sawiin, mual chhunga lut a team zinga  a chanve chauh chu a ring tawk a, pound maktaduai 70-a an lakluh Casemiro, Marcus Rashford leh Cristiano Ronaldo te pawhin rin an hlawh zo lo niin an sawi. 

Hargreaves chuan Everton lakah Luke Shaw a rawn lut a, (Victor) Lindelof a lut a, Casemiro a rawn lut leh bawk a ni. Tunah hi chuan a tha ber tur a la zawng kual rih nia a hriat thu sawiin, 'Position dang zawng zawng chu a siam fel thawkhat tawh a, tunah chuan heng player-te atang hian duh a thlang mek niin ka hria,”a ti. 

Scholes chuan, ‘A team ṭhat dan ber a rem turin a player te ah a chiang tawk lo va, a khelh tir danah a hlim tawk lo. An ni game a chak si a, a duh thusam ang chu a hmu maiin ka ring lo,” a ti. 

Goalkeeper David de Gea, right back Diogo Dalot, center back Lisandro Martinez, kumin nipuia Ajax aṭanga pound maktaduai 55-a an lalut bakah midfielder Christian Eriksen leh Bruno Fernandes te chauh chu Ten Hag-a’n rim taka a chhawr ngam te an ni a, an zingah hian Jadon Sancho leh Luke Shaw te pawh an tel lo.