Manchester United chuan 2021-22 season chhungin an sum lakluh chu 18%-in pung a, pound maktaduai 583.2 zetin an lalut chungin pound maktaduai 115.5 lai an hloh thung niin an sawi. 

June thlaa an financial year tawp lama an sum chet vel dan an tarlannaah, kum 2021 nena khaikhin chuan an hlohna chu £23.3million zetin a pung a ni.

Club leiba pawh a sang chho zel a, kum 2021-a pound maktaduai 419.5 chu kuminah pound maktaduai 514.9 ah a chho a, a punna hi 22% chuang a ni. 

Chief executive Richard Arnold chuan, "Kan club thil tum ber chu football match-a chak leh kan fans-te tihlim hi a ni," a ti.

Nikum nipui laia superstar Cristiano Ronaldo, Jadon Sancho leh Raphael Varane te an lakluh avang khan an hlawh chu 19.1% zetin a pung chho a, chu chu £61.6 million niin £384.2 million a tling phak.

A punna zat hi Premier League history-a a san ber tum a ni a, tun hma lam a record nei lai Manchester City chuan £355million an nei a, United hian an khum ta a ni. In khumna duhawm tak zawng a ni lo.