DOWNLOAD OUR APP

Read latest news on your phone
app-store

Manchester United hian striker thar lei kan mamawh tih a chiang: Ralf Rangnick

Feb 13, 2022

Manchester United enkawl lailawktu Ralf Rangnick chuan an striker kawl mek te thlakna tur tun nipui transfer-ah club chuan striker lei thar ngei an mawmawh thu a sawi chhuak

Manchester United enkawl lailawktu Ralf Rangnick chuan tun nipui transfer-ah club chuan striker lei thar ngei an mawmawh thu a sawi chhuak. 

Tun hnaiah Manchester United hi beisei loh taka chetsual khut an hrat riau a, Premier League lama Burnley an inhnehtawk pui ringawt mai leh FA Cup lama Middlesbrough laka an tlawmna hnu phei kha chuan an team chhungah  inrintawkna nasa takin a tla hniam a nih hmel.

Chuta karah tun season-a United top scorer goal 14 thun tawhtu Cristiano Ronaldo a hmalam hun lah a chiang thei rih lo. Chhuak thut thei dinhmunah a ding reng bawk.

An hmatawng dang pahnih Edinson Cavani-a contract lah tun nipuiah a tawp mai tawh dawn avangin a hma hun tur a chiang lo, Mason Greenwood-a lah a chhawr theih rih bawk si lo. Hun rei chhung an beisei tawh Norway hmatawng Erling Braut Haaland lak luh tumin theih tawp an chhuah ngeiin a rinawm. 

Rangnick chuan, "Tun nipuiah Edinson-a contract a tawp tawh mai dawn a, kan striker pahnih lai mai hma hun chianglo kan nei bawk nen tun nipui transfer-ah hi chuan centre-forward tha tak lak luh ngei kan mamawh a ni," a ti. 

United hian Tottenham boss hlui Mauricio Pochettino kha Ole Gunnar Solskjaer aiah la lut ta seng chuan a ni kha chuan Harry Kane a lakluh ngei a rinawm a, mahse Rangnick-a hi chuan Dortmund striker Haaland hi lakluh a tum berin a rinawm. 

Share now