DOWNLOAD OUR APP

Read latest news on your phone
app-store
Manchester United legend Solskjaer-a’n December-ah India tlawh dawn
Nov 29, 2023

Manchester United legend Ole Gunnar Solskjaer chuan a vawi khat nan India a tlawh dawn a, Ace of Pubs dintu, Tilak Gaurang Shah-a’n mikhualin December 15 leh 17 inkarah khawpui pathum a tlawhpui ang.


Solskjaer-a hi football khawvel, a bikin Mizote zingah pawh hmelhriat hlawh ber zinga mi niin India-ah pawh duhtu a ngah hle a. Manchester United manager hlui hi an club tan pawh vawi 366 khelha goal 126 zet thuntu a ni.


1999 Champions League final hun tawp dawna Bayern Munich lama chakna goal a thun phei kha chu khawvel puma football fan-te hriat reng hlawh tur a tling. 


“Tilak-a hnen atang hian India-a Manchester United tantute chungchang ka lo hre thin a. Bengaluru, Mumbai leh Delhi-a mite nen hriat reng tawh tur hun hmanho chu ka châk hle tawh a ni.


“Ram mawi tak hi ka vawi khat tlawhna tur a ni a, ka nghakhlel tawh hle a. Kan inhmuh thuai ka beisei,” tiin Solskjaer hian India a tlawh tur thu hi a sawi.


India-a Manchester United tantu tam tak chuan an player duh em em thin, Solskjaer-a hmuhna remchang an nei dawn tihna a ni a, a khawpui tlawh hmasak ber tur, Bengaluru-ah December 15 hian a lut ang.


Solskjaer-a’n India a tlawh tur hi kumin kum tir lamah khan tihfel a ni daih tawh a. Amah sawm luttu ber, Tilak-a hi Manchester United tantu niin Old Trafford pawh kum khatah vawi li vel a tlawh ziah. 


“Ole hnenah India-a United lar dan ka sawi hian a phur hle a ni,” a ti a. Manchester United tantute tan mai ni lo, India-a football fan-te tan hun chhinchhiahtlak tak a nih tur thu a sawi.


Manchester United tantute tan bik phei chuan hnai tak, mi mal taka Solskjaer-a hmuh leh kawm theihna remchang a ni dawn a. Premier League-a a tawnhriatte pawh sawi chhuahna hun siamsak a ni dawn a, hetah hian 1999 Champions League final jersey, amahin a hming a ziah hnan pawh a telte tan chan theihna remchang a awm ang.


Solskjaer-a’n India a tlawh hunah hian intawh khawm (event) huaihawta tel turte zingah Platinum Ticket neite chuan amah kawma chibai theihna remchang an nei dawn a. Platinum bakah Sapphire Ticket neite chu thla a lakpui bawk ang.


A khawpui tlawh pathumah hian fan-te chu zanriah a kilpui dawn bawk a. Club ITC & ITC Hotels leh Johnnie Walker chu a thlenna vel buaipuitu tur an ni dawn a ni.


Solskjaer-a hi Sir Alex Ferguson-a’n a kaihhruai hnuah kum 2019 khan Jose Mourinho thlakin Old Trafford club hi a enkawl zui a ni.


A chah chhuaktu, Ace of Pubs hi India-a quizzing company lian ber niin thla khat chhungin India leh UAE-ah hian event 200 chuang an huaihawt ziah a ni. 

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh