ZALEN January 23, 2025: Kuki Women Organisation for Human Rights (KWOHR) leh Indigenous Tribal Leaders Forum (ITLF) Women Wing te chuan nimin khan Manipura Zohnahthlak hmeichhia pawngsual, thah leh kut tuarte thubuaiah hun rei tak hnuah pawh hmalakna a la awm loh vang leh an dikna chanvo chhuhsakna nia an ngaih avangin an thil ngiatte Prime Minister hnehah ziakin an thehlut.

Pawl pahnih lehkhain a tarlan danin May 2023- November 2024 inkar khan Manipura Zohnahthlak hmeichhe pawngsual leh kuttuar tam tak an awm a, an zingah nunna chan 29 an awm a. Heng mite thubuai kal zel chu hun rei tak nghah anih hnuah pawh pakhat mah man an la nih loh avangin an thil phutte chu thehlut niin an ziak lang bawk a.

KWOHR leh ITLF thil phutte zingah hian thil tisualtute chu man nghal a an chunga dan anga rorel anih theih nana hmalak a tel a.

Hnuchhui kawngah 

langtlang leh hun tiam chhung nei turin an phut a. CBI leh a chhuitu dang pawh vil uluk an ngai hiala hriaiin an phut bawk a.

A dam awmchhunte chu an mamawh chhung chhawmdawl leh rilru lam enkawlna tha pek te, nunna chantate chhungte hnena zangnadawmna pek te an phut a tel bawk a. Hleilenna tuar a la damte leh hmeichhe dikna chanvo humhim tuma sualtute sahimna pek an phut bawk a.

PM hnena lehkha an thawn hi Chairman, National Human Rights Commission (NHRC), New Delhi leh Chairperson, National Women Commission (NCW), New Delhi te hnenah a copy an thawn tel bawk.