ZALEN August 1, 2023 : Manipur-a zohnahthlakte tana frontline-a duty kahhliam Zamthianlun s/o Thonglensang, Kangvai, July 31 zana Aizawl Civil Hospital-a zai chu tun dinhmunah a ngaihtuah awm rih lo a, ICU-a awm mah se, ventilator hman a ngai tawh rih lo.

CYMA CEC atanga thu dawn danin Zamthianlum hi nizan Dar 12:30 ve khan zai zawh a ni a, a Ril hmun hnih-ah a pawp bakah a Mit (Galbladder) lo chhe hman chuan a Pum lamah tawih a lo siam hman a, a tawih lai leh a pawp lai te hi paih niin, doctor lam chuan zai tha thawkhat an ngai, tih a sawi. 

Thudawnna chuan tunah chuan a chau rih deuh tih a sawi a, mahse, ngaihtuahawmah a ngaih loh thu a sawi a, mahse, doctor te hrilh danin a pum (stomach) hi dam fel tur chuan hun erawh a duh deuh tur thu a sawi.