Aizawl March 6, 2023: March 5, 2023 ( Sunday) tlaia Buarchep hmuna duty 2nd Bn. MAP Havilder J. Lalrohlua leh Havilder Indra Kumar Rai te kàphlumtu Bimolkanti Chakma chu PC Thalai chuan an dem tin an sawi a,  Pawisawilo kahhlum chhungte zangna dawmna cheng Nuai 10 aia tlem lo pe turin leh a chhungte hna pe turin PC Thalai chuan Mizoram sawrkar an ngen.

PC Party Thalai chuan, He pawi khawihtu chungah hian a na thei ang bera hremna pe turin  thuneitute kan ngen. Ram leilung fate chunga Chakma te huangtau ngamna chhan hi kan ram kaihruai thintu ten Chakma te an lo duat sualna kal zelin a hrinchhuah-ah PC thalaite chuan an ngaih thu an sawi

PC Thalai chuan, ''Mizorama dan lo a lut ru Chakma foreigners pung chak lutuk te hi kan ngaimawh loh chuan, Kan ram leh hnam tan a him lo a ni, ti a Brig.T.Sailo-a kaihhruai PC Party te'n thahnemngai taka Zoram dung leh vanga an lo tlângau pui thinna te ngaithei lo a, party thenkhat te dodal avanga, a taka kan tawngbaw chho ta zel mai pawi kan tiin, a vanduaithlak kan ti takzet a ni," an ti.

Chakma te vote duh luat avanga fachuam ena tul miah lova Autonomus District Council pèk avang te, thiah leh tuma PC Sawrkar hmalakna dodal avang te, Leilung fa, Mizo zirlaite hamthatna tur chuhpui ngam  khawpa ram hruaitute'n Chakma zirlaite thlavang an hauhsak thin avang te, ramri vèn him that loh avanga awlsam taka Mizorama an luh rùk theih thin avang te buaipui tham Chakma foreigners Zoramin a kawl ta hi, ram hmangaihtu der te'n ram an hruai thin vangah PC thalaite chuan an ngaih thu an tarlang bawk.