Mi tam zawk chuan Lionel Messi hi khawvel footballer tha ber an ti hialin a rinawm. Chutihlaiin a teammate hlui Marc-Andre Ter Stegen erawh chuan a team duh a thlan chhuah player 11 zingah a telh hauh lo. Ligue 1 lama a kal hnu hian Messi hian Barcelona lama a khelh thin dan a phak lo hle a, hei vang hian Paris Saint-Germain lamah pawh a tlatlum lutuk rih lo. 

Kum 34 hian league-ah goal hnih chiah a la khung a, Champions League lama a team a tlakpui tawh bawk. Real Madrid forwad Karim Benzema an hat-trick an siam meuh phei kha chuan fans lamin Messi an boo khum nasa a nih kha. 

Tun hnai chho a harsatna a tawh vang leh Barcelona goalkeeper Marc-Andre ter Stegen-a'n dream XI-a a telh loh vang hian Messi hian inkhelh a thim ta lo tihna erawh a ni lo. Ballon d'Or tum 7 dawng tawh Messi hi mual chhunga player hlauhawm ber pakhat a la ni mek.

Marc-Andre Ter Stegen-a dream XI hi i pawm pui em? Han en chhin teh le. Balswich, Pique, Rudiger, Jordi Alba, Dani Alves, Sergio Busquets, Xavi, Iniesta, Frenkie de Jong, Reus, Gotze.