ZALEN February 5, 2026: Aizawl District Magistrate Er. Lalhriatpuia, IASchuan thupek chhuahin Aizawl District huam chhungah huan/lo/leipui/ram hal turte chuan March 15, 2026 hmain hal hman vek tur tih a chhuah.

Thupekah chuan Lengpui Airport hnaiha huan/lo ram nei te tan tlai dar 4:00 hnu lamah chauh hal tur a ni a, mei lam sial tha tawk loin tumahin an hal tur a ni lo a. Huan/lo ram vah bak tih kan loh tur a ti bawk.

Mi tumahin ramhnuaiah mei chhem timit loin kalsan loh tur tiin thupekah chuan a tarlang a. He thupek chhuah a nih atanga thla hnih (2 months) chhung a huam dawn a. Thupek zawm lo leh bawhchhia an awm chuan an chungah Section 223 of BNS 2023 leh The Mizoram (Prevention and Control of Fire in the Village Ram) Rules, 2001 Section 8(1) & (2) hmangin hremna lek a ni dawn a ni.