Karleh March 30, 2023 Ningani khian Bruce Pachuau leh Rini Hlondo te chuan Pathian leh Kohhran mipui hmaah dam chhung atan 'tiam tlat e' tiin thu an tiam dawn e. Bawngkawn Presbyterian Kohhran Biakinah an innei dawn a ni. 

Mizo zinga fashion designer lar leh tha ber pawl Rini Hlondo leh Bruce Pahuau te hi hun eng emaw chen an lo inzui tawh a, an chanchin pawh hi mi ngaihven a ni ve reng thin. Mahse ualau taka an inzui lem loh avangin mipui tam zawk chuan an hre kher awm lo e. 

Rini Hlondo hi TV Show Host lar tak a ni bawk a, thalai zingah phei chuan hre lo bar an awm lo mai thei. Hengtiang bawk hian Bruce Pachuau pawh hi Mizoten musician kan neih that ber zinga mi a ni a, thalai zingah a hming hre lo an tam kher lo ang. Bassist tha ber zinga mi a ni a ni a, House Band-ah phei chuan sulhnu a nei tha hle  - a nupui tur nen hian milar ve ve an nih ber chu. 

Bruce Pachuau leh Rini Hlondo te nupa hlim tak ni turin ZALEN chhungkua chuan duhsakna kan hlan e.