March 2, 2023; State Election Commission (SEC), Mizoram chuan Mizoram sawrkar rawn chungin 1st General Election to Lunglei Municipal Council (LMC), 2023 chu ni March ni 29, 2023 (Nilaini) ah a buatsaih dawn.

Constitution of India - Article 243K leh 243ZAin thuneihna a pek dungzuia Section 346 (1) of the Mizoram Municipalities Act, 2007, as amended-in mawhphurhna a pek angin State Election Commission, Mizoram chuan Mizoram Sawrkar rawn chungin 1stGeneral Election to Lunglei Municipal Council, 2023 chu ni Marchni 29, 2023 (Nilaini) hian a buatsaih dawn a ni.

Identification of Electors :  Vote thlak turte chuan an nihna tichiang turin Election Commission of India-in a siam EPIC an keng ngei tur a ni a, an neilo anih chuan an nihna chiang taka hriat theihna Identity Card dang State Election Commission, Mizoram-in Order hmanga a tih chhuahte zinga mi an keng tur a ni.
            Vote thlak a nih dawnin vote – ‘neitu dik tak a ni’ tih chian theih anih loh chuan vote an thlak thei loang.

Dan leh thupek :  Inthlanna felfai leh muanawm kan neih theih nan dan leh thupek kengkawh turin District Magistrate leh Superintendent of Police, Lunglei District te beisei an ni a. Eng thil mahin Inthlanna hi a tibuai tur a ni lo.
           A tul anih chuan Polling Station venhim ngai bikte an thlang chhuak anga, venhimna kawngah hmaih nei loin hma an la tur a ni.

Election Officials :  Deputy Commissioner, Lunglei District chu District Municipal Election Officer atan ruat a ni a,  Inthlanna buaipuitu atan veng hrang hranga Sawrkar hnathawkte chu ruat an ni ang.  Municipal Returning Officer, Asst. Municipal Returning Officer, Presiding Officer, Polling Officer leh Counting Officials atan pawh a theih chin chinah Municipality huamchhung ami ruat an ni ang.

Election Observer :General Election to Lunglei Municipal Council, 2023 atan hian Election Observer an awm dawn a. Anni hian inthlan chungchanga hma lak dante ngun takin an vil dawn a.  Inthlan kalpui dana lungawi lohna neite chuan Election Observer-te an hriattir thei ang. Candidate te Election Expenses endik turin Expenditure Observer hranpa ruat a ni lo a, Election Observer-tehian he hna hi an kawp nghal ang.

Conduct of Official :  State Election Commission chuan inthlanpui buatsaihnaa mawhphurtutechu duhsak bik emaw hlauh bik emaw an neih a rem ti lo a, a lai thei ang bera hnathawk tura beisei an ni.  An vai hian inthlan zawh hma chu State Election Commission hnuaiah deputation-a kal anga ngaih an ni a, Commission kaihhruaina leh thuneihna hnuaiah an thawk a ni.

Electronic Voting Machine (EVM) :  Sub-section (i) of Section 37 of the Mizoram Municipalities Act, 2007, as amended-in a sawi angin 1stGeneral Election to Lunglei Municipal Council, 2023-ah hian Electronic Voting Machine (EVM) hman a ni ang.

Polling Station :Vote thlaktute’n him leh awlsam, hun khawhral lo leh rang zawka vote an thlak theih nan Polling Station 44 (sawmli leh pali) ah vote hi thlak tura ruahman a ni.

Indelible Ink :  Vote thlak nawn leh mi aia vote thlak tumte ven nan vote thlaktute kut veilam zungchal tin leh vuna kai telin Indelible Ink tah vek tur a ni ang.

Common Election Camp : Party worker-te inkara boruak tha lo pumpelh nan Polling Station bulah Political Party-te leh Candidate-te awmkhawm nan Common Election Camp pakhat chauh siam phal a ni a, he camp hi mawlmang thei ang bera siam tur a ni.  Flag te, Poster te, Symbol te leh thuziak, Political Party emaw Candidate lam kaihhnawih ziahna engmah tar loh tur a ni.  He camp-ah hian party tinte pawm tlan theih tur, tualchhung mi (NGO)-te duty tur a beisei an ni.

Term :Mizoram chhung a Municipality-a Councillor Term hi kum nga (5) a ni a, tun tun inthlanah pawh hian Lunglei Municipal Council Term hi kum nga (5) a ni ang.

Model Code of Conduct :  Model Code of Conduct chu tun atang hian Lunglei Municipality huam chhungah hman tan nghal a ni a.  He Model Code of Conduct hian Political Party zawng zawngte, Contesting Candidate zawng zawngte, Ministerte, MLA te leh Lunglei Municipal Council inthlannaa inhnamhnawih Public Servant te a huam ang.

LMC Constituencies : Lunglei Municipal Council Inthlanpuiah hian Constituency 11 an awm a, kum 5 term atan Councillor turte thlan an ni dawn a ni, hetiangin:-

Ward No 1 (Pukpui leh Zotlang)
Ward No II (Serkawn leh Zohnuai)
Ward No III (Bazar veng leh College Veng)
Ward No IV (Venglai leh Venghlun)
Ward No V Rahsi veng, Sazaikawn leh Hauruang
Ward No VI Electric veng, 
Ward No VII Chanmari
Ward No VIII Ramthar leh Farm Veng
Ward No IX Lunglawn, Salem veng
Ward No X Sethlun, Theiriat leh Hrangchalkawn
Ward No XI Lungpuizawl, Zobawk 'S' leh Zobawk 'N'

Heng ah hian Ward No. II, Ward No. V, Ward No. VIII, Ward No. X te chu hmeichhe tan a hauh a ni.