Mariah Carey chuan hun eng emaw chen copyright chungchanga buaina a tawh hnuin thiam a chang ta. A hla hit 'All I Want for Christmas is You' chungchanga a laka thubuai siamtu country singer Andy Stone chu hemi chungchangah hian ainhnukdawk tawh a ni. 

Hla phuah thiam Andy Stone hian kumin June thla khan American popstar hi a hla chungchangah hian a khing a, kum nga liam ta khan Mariah Carey hla title ang chiah hi a lo phuah tawh niin a sawi. Mahse a khinna hi a hnukkir tih Court a hrilh a, $mtd 20 chawi tura a phutna pawh a sut leh a ni. 

Krismas hla sa thin Mariah Carey hian kum 1994 khan 'Merry Christmas' album hi a tichhuak a, he album-ah hian 'All I Want for Christmas is You' pawh hi a awm nghe nghe a ni. Hunpui a lo thlen a piangin a album hi a hlutna a sang thin a, kum 2017 phei kha chuan $mtd 60 zet a lalut niin khawthlang media te chuan an tarlang.