A hmelthat zia an sawi ban theih loh Marilyn Monroe hian a thih hnuah pawh chanchin a ngah khawp mai - a hming a dai tak tak thei lo a ni ber. A thawmhnaw hluite chu lilam a ni dawn tih puan a ni leh ta. 

American actress Marilyn Monroe hi kum 1962 daih tawh khan a boral a, mahse khawvelin a theihnghilh thei lo. A thawmhnaw hlui eng emaw zat chu March thla khian lilam a ni dawn a, boruak a nei lian nghal hle. An lilam tur zingah hian film a channaa a thawmhnaw hakte pawh a tel dawn a ni. 

Kum 1955 khan 'The Seven Year Itch' film a chang a, heta a hak black evening gown chu an lilam tur zinga manto ber tur a ni ang. A man tur zat hi tihchian la ni lo mah se, $200,000 vel an chhiar dawn nia tarlan a ni. Marilyn Monroe khan Playboy magazine neitu Hugh Hefner thawmhnaw a hak sak nual a, chungte pawh chu lilam zingah hian a tel dawn bawk a ni.