February 15, 2023; Commerce & Industries changtu Dr. R. Lalthangliana chuan Aizawl bazarpui hmun a Market thar sak te chu zawh a nih hunah India ram khawpui lian a an market te tluk pha tur a ni dawn tih a sawi. 

Vawiin Assembly Budget session zawhna leh chhanna hunah member te zawhna chhangin, Dr. Thangtea chuan New Market, Aizawl ah building pahnih sak mek a awm tih sawiin, Aizawl City Centre (ACC) Annexe building (foreign lane) a mi chu Rs. Nuai 3641.59 senna tur a nih thu leh Commerce & Industry department hnuaia sak a nih thu te, za ah 50 thawh zawh a nih tawh thu te a sawi.

New Market Main building (Aizawl City Centre) chu Smart City Project Ltd. hnuaia thawh niin, project cost Rs. Nuai 4,200 a nih thu leh hmalak tan mek a nih thu a sawi bawk.

Dr. Thangtea tarlan danin, ACC Annexe sa turin kum 2018 ah contractor Lushai Engineer thlanfel a ni a. Agreement sign atanga thla 1 ah hna tanin, kum 3 chhunga hna zo tur an ni. Bul an tan dawnin tih fel ngai a tam a, AMC atanga phalna te, Soil testing te tih a ngai a, buaipui ngai hrang hrang tihfel chhung a rei bakah, kum 2020 atangin Covid vangin hna thawh hleih theih a ni lo. Zawhfel a nih hunah market changkang tak a ni dawn.

Aizawl City Centre sak tur chu Smart City Project niin, sawrkar laipui a UD&PA atanga sum lo kal niin, mi 1,103 an thut theih tur a ni. "Smart City Project a nih angin a market pawh hi a tunlai viau turah kan ngai," a ti.