Maruti Suzuki chuan car man tlawm siam chhuah leh an tum a,  Alto thlakna tur a ni mai theih tih media te chuan an tarlang. Chutih rual chuan car manufacturer lam hian thuchhuah an la nei chiah lo thung a, ngaihchan mek a ni.  

Tarlan dan chuan Maruti Suzuki car thar tur hi Rs. 4 lakhs aiin a tlawm dawn a, tuna an car man tlawm Alto top model Rs. 4,16,100 (ex-showroom price, Noida) ho aiin a tlawm zawk dawn a nih hmel.   

A engine hi 1000cc a ni dawn a, digital instrument cluster a nih dawn bakah, Android Auto leh Apple Car Play connection a awm thlap dawn bawk. 

Hetih lai hian India rama car siam chhuaktu lian Maruti Suzuki hian tun hnai khan WagonR 'electric version' an enchhin bawk a, lei theih turin an chhawp chhuak thut lo vang tih pawh sawi theih a ni lo.