ZALEN, September 08, 2025: All Mizoram CSS Coordination Committee (AMCECC) chuan an hun tiam chhunga sorkar atanga thu lawmawm an hmuh loh avangin Thawhlehni atanga Ningani thleng mass casual leave an la dawn.

AMCECC hian Nilaini khan General Body Meeting neiin state sawrkar hnuaia an dinhmun siam thatna tura an hmalaknaah September 8, 2025 thlenga state sawrkar atanga thu lawmawm an neih theih loh chuan mass casual leave lak ni se an ti a, hei hi an kaltlangpui dawn ta a ni.

AMCECC hian a taka Regulariation of CSS Employees Scheme, 2024 an hman theih nan an representation theh luh rang taka ngaihtuahsaka tihhlawhtlinsak turin sorkar hi an phut a, he scheme hnuaia department hrang hranga thawkte proposal an hnawl zel laia CSS pawh ni lo, health department hnuaia thawk health worker 31, PE-a MR Skilled II thlakte dah nghet chu mak an tiin induhsakna uchuak chu an ngaithiam lo tih an sawi.

An thil phutte hi tihhlawhtlin a nih loh avangin mass casual leave hi an la dawn ta tih Thawhtannia thuchhuah an siamah an tar lang a, leave an lak avanga harsatna thleng thei lakah mipuite hriatthiamna an ngen bawk.