Aizawl; Mizoram Mathematics Society chuan November ni 29,2014 (Inrinni) khian Aizawl, Lunglei, Serchhip leh Champhai ah te Mathematics inelna an buatsaih dawn a, he hunah hian a tam thei ang ber tel turin an sawm. He inelna hi category hrang hrangah then a niin lawmman tha tak tak siam a ni bawk. Mizoram Mathematics Society hian Mizo zirlaiten Mathematics zir phurna an neih theih nan leh a subject an tih-bainate sutkianna a nih beiseiin kum 2007, 2008, 2009, 2010, 2011 te khan Mizoram pum huapa Mathematics-a inelna hi an lo buatsaih tawh a. Heng inelna neih tawhah hian zirlai sang ruk vel ten exam beiin zirlai 180 laite chuan lawmmman an lo dawng tawh a ni. Sum harsatna avangin kum hnih 2012 leh 2013 ah te buatsaih theih a ni lo va. Kumin 2014-ah hian Directorate of Science & Technology tanpuina in neih leh a ni dawn ta a ni.Hrechiang duh tan Pachhunga University College Mathematics Department-ah zawhfiah theih a ni e.