Aizawl: Nimin khan Mizoram Mathematics Society chuan Mizoram Science, Technology and Innovation Council (MISTC) nena tangkawpin a vawi 10-na atan Mizoram pum huap Mathematics inelna pawl hrang hrang V, VIII, X leh XII te tan neih a ni. Mathematics inelna hi centre pasarih Aizawl, Lunglei, Champhai, Serchhip, Mamit, Kolasib leh Saitualah te neih a ni a, exam tura hming pe te hi Aizawl centre-ah 2001, Lungleiah 625, Champhaiah 124, Serchhipah 264, Mamitah 35, Kolasibah 140 leh Saitualah 201 awmin exam zawng zawng hi 3390 an ni a, Aizawlah chuan exam hi Pachhunga University College-ah neih a ni. Exam-ah hian Class V zirlai 1012, VIII 926, X- 1028 leh class XII 424 te an exam a ni. He exam hi Mizo zirlai ten Mathematics an hlauhna tihbona a nih theih beiseiin kum 2007 atang khan neih tan a ni a, kum tin zirlaite leh nu leh paten an hlut telh telh a, exam pawh an pung chho zel a ni.   Mizoram Mathematics Society chuan inelna buatsaih a nih theih nana puitu zawng zawngte bakah zirlai leh nu leh pate chungah lawmthu a sawi.