Tun hnaia film chhuak thar tur zinga en chakawm ber pawl 'Ka U Liana' chu May 28, 2022 (Inrinni) zanah tlangzarh a ni dawn ta. A changtu zingah Ruthy Chenkual leh zaithiam Thawhlehnaniropuia te an tel a, hei hian mipui ngaihven a hlawh zual tir. Film siam lama tawn hriat nei tha tak Mike-a kutchhuak a ni dawn bawk a, en manhla tur tak a ni ang. 

'Ka U Liana' film-ah hian a vawi khat nan Mizo Idol star Thawhlehnaniropuia (Puipuia) chu a inlan dawn a, lemchan a lo thiam reng em tih hmuh theihin a awm thuai dawn e. Vanlalhmangaiha leh Esther Hadasi Ralte te pawh hian mipui nawlpui hriat la hlawh lo mah se talent nei tha tak ve ve an ni a, an dinhmun vawrh kanna remchang an bawh pelh duhin a rinawm lo. Ruthy Chenkual pawh hi a vawi khat a ni tawh lo a, a lakah beiseina a sangin mipui mit fukna ber tur pakhat a ni ang. 

A story hi Aaron Malsawmdawngzuala ziah niin, DOP hi Ruattea Photography a ni. Original Soundtrack hi Zaii Hauchhum a ni cheu bawk a, boruak a vawrh chho viau mai thei. 

Starring : 
Vanlalhmangaiha
Esther Hadasi Ralte
Ruthy Chenkual
Thawhlehnaniropuia