ZALEN, 9th June: May, 2024 chhung khan DTO (RA) hnuaia Enforcement Staff te chuan lirthei dan bawhchhia 299 sum an chawitir atangin Rs. 12,74,500 sawrkar sum bawmah an chhunglut.

Enforcement Staff te hian May thla kalta chhung khan lirthei 1478 document an enfiahnaah document felfai lo 299 hmuhchhuah a ni a, an endikna hmuna chawitur nei lo leh document rinhlelhawm 308 an man bawk. Lirthei document fel lo an chawitir tam ber hi bungraw phur lirthei te chi niin 92 an ni a, Maxicab-in dawtin 79 niin LMV 45 leh HGV 37 te chu a tam zual leh deuh an ni.

June ni 3-7,2024 chhungin lirthei 478 an enfiah a, lirthei 139 an chawitir a, document 6 man sakin e-chalan hmanga chawitir 38 an awm a, an pawisa chawitir tlingkhawm hi Rs. 2,30,500 a ni a, e-challan hmanga an chawitir hi Rs. 2,91,000 a ni. Tunkara document fel lo an man tam ber chu maxicab a ni.