Aizawl: Rs. 84,23,000 senga siam Chanmari West a AMC Road chu nimin khan AMC Mayor PC Lalhmingthanga’n a hawng. Kawng hawn puala inkhawm YMA Zawlbuk a buatsaihah Mayor PC Lalhmingthanga chuan, "AMC Budget chu tam lo hle mah se a nihna tur anga hman a nih avangin daihzai taka hman a ni a. AMC-in Property Tax atanga sum a hmuh 80% chu mipui tan hman leh a ni,” a ti. Ward Councillor C.Lalmuanpuia pawhin thu a sawi bawk. AMC Road hawn tak hi meter 213 a thui a ni a, a siam nan hian AMC atangin Rs 80,73,100 hmuh a nih bakah UD&PA atangin Rs. 2,00,000 leh MLA Local Area Development Fund atangin Rs. 1,50,000 hmuh a ni a, kawng chhuat hi RCC-a chhun leh mihring kea kalna a sirah siam a ni bawk.