Mizoram Badminton Association (MBA) chuan tun season chhungin tournament lian pasarih an huaihawt dawn.

MBA hian Thawhlehni khan Ramhlun Indoor Stadium Conference Hall-ah Annual General Body Meeting an nei a. Kum 2024-25 chhunga MBA calendar leh budget an duante pawmin tournament buatsaih turte an ruahman bawk.

President Dr Lallianzuala Hnamte kaihhruai AGM hian District Badminton Association (DBA) Inter Club Tournament (hei hi DBA 13-in an district theuhvah an huaihawt ang), MBA Official Championship - Senior, MBA Official Championship - Junior, MBA Junior Ranking Tournament, MBA Inter School Championship, MBA Masters Championship leh MBA Inter Club Team Championship te huaihawt turin a ti a ni.

Heng bakah hian Mizoram Badminton League pawh sponsorship hmuh dan azira huaihawt an tum bawk.

Player-ten an club khelhna an sawnna hun (transfer season) chu April 7 leh April 30, 2024 chhung an hawng dawn bawk.

AGM-ah hian secretary leh finance report ngaihthlak a ni a, Mizorama badminton hmasawnna tura agenda 11 lut zingah pakua an a, executive committee-in an bawhzui ang.

Heng bakah hian kum 2024-2025 budget atan Rs. 24,91,807 an pawm bawk.