Thawhtanni atanga tan tur, Mizoram Badminton Assoication (MBA) buatsaih Yamaha MBA Inter Club Badminton Team Championship 2024-ah club 29 atangin team 88 an inlan dawn.

Ramhlun Indoor Stadium-a Mizoram pum huap badminton club hrang hrangte inelna lian neih tur hi MBA-in club hrang hrangte tan team hmanga inelna a buatsaih hmasak ber tur a ni a, Inrinnia zawh tura ruahman a ni.

Category pakua - Under-15 Boy’s & Girl’s team, Under-19 Boy’s & Girl’s team, Men’s team, Women’s team, 35+ Men’s team, 45+ Men’s team leh 55+ Men’s team-ah te inelna hi neih a ni ang a. Quarter final atangin LPS leh Zonet-ah live-a pek chhuah a ni ang a, round hmasa lam chu YouTube-ah live a ni thung ang.

Junior category (U-15 leh U-19), Women’s team leh Masters category (35+ leh a chung lam) hi best of three-a khelh a ni ang a, Men’s team erawh chuan best of five an khel ang a, he category bikah hian team khatin singles vawi thum leh doubles vawi hnih an khel thei ang. 

Yamaha MBA Inter Club Badminton Team Championship 2024 hi MBA-in tournament a siam tawh zinga lian ber leh match tamna ber tur zinga mi a no dawn a. Player 300 chuang inlan tura hming pe awmin, an inhnehtawk dan azirin inkhel 200 atanga 250 chuang a awm ang.

Tournament hi Yamaha, Thansanga & Sons-in an sponsor a ni.