Junior category-a Mizoram Badminton Tournament lian leh ngaihhlut ber bakah pawisa tamna ber, MBA Official Championship – Junior 2022 chu August ni 16 – 19 chhung khan Bazar Veng Community Hall, Lunglei-ah khelh niin  he tournament-ah hian H. Lalthazuala chu category pathumah a champion a, a langsar hle. 

He tournament-ah hian under-11 leh under -19 inkar category hrang hrangah inelna buatsaih niin District hrang hrang atangin shuttler 216 zet an tel. 
Triple Champion Thazuala
Mizo naupang badminton player zinga hma- bak eng ber pakhat H. Lalthazuala, s/o H. Zohmangaiha, Chanmari West, Ralte Villa Badminton Club member chu Under -17 Boy’s Singles, Under -19 Boy’s Singles leh Under -17 leh Boy’s Doubles (BD)-ah te a champion. 

Kum 15 mi Thazuala hi a pa bakah Mizo badminton coach tha Chhuantea leh Zosiama te hnuai a a kal hnuah Tata Trust, MBA leh MSSC te hmalakna a din Ramhlun-a Regional Development Centre (RDC) ah coaching a kal leh a, tunah chuan Pullela Gopichand Badminton Academy, Hyderabad-ah a awm mek a ni. 

Thazuala hi Badminton Association of India (BAI) ranking thar berah Under -17 BD-ah ranking 5-na niin, Under -19 BS-ah 28-na a ni a, U-19 BD-ah 21-na a ni mek bawk.

August ni 23-28, 2022 chhunga khelh tur India Junior International Series, Hyderabad-a khel tur player koh zingah telin, U-19 BS leh BD khel turin a inbuatsaih mek a, hemi category tho khel tur hian International Junior Badminton Tournament, Pune a neih turah pawh koh a ni.

Hmeichhe lamah Abigail-i bawk a langsar
Senior Official Championship 2022, Women’s Singles champion hlim a ni a, ITM University Badminton Academy a badminton zirlai Abigail Lalthazuali, Saron Badminton Club member hi Junior Category lamah chuan a chungnung lo thei lo. Under -19 Girl’s Singles (GS) leh Under -19 Mixed doubles (XD) ah te a champion.  

U-19 GS-ah hian Lalrempuii, Serchhip, Ralte Villa BC chu 21-12, 18-21, 21-19 in a hneh a, U-19 XD-ah Mano Malsawmdawngliana, Bawngkawn BC nen inkawp in an champion bawk.

He tournament result:

U-19 Boy’s Singles
Champion    : H. Lalthazuala, Ralte Villa BC
Runners up    : C. Lalramzauva, Ralte Villa BC
U-19 Girl’s Singles
Champion    : Abigail Lalthazuali, SBC
Runners up    : Lalrempuii, Ralte Villa BC
U-19 Boy’s Doubles
Champion    : Mano Malsawmdawngliana & Marcus Lalthanzuala, BBC
Runners up    : C. Lalramzauva & PC Lallawmkima, Ralte Villa BC
U-19 Mixed Doubles
Champion    : Mano Malsawmdawngliana, BBC & Abigail Lalthazuali, SBC
Runners up    : C. Lalramzauva & H. Lalchhanhimi, Ralte Villa BC
U-17 Boy’s Singles
Champion    : H. Lalthazuala, Ralte Villa BC
Runners up    : C. Lalramsanga, Ralte Villa BC
U-17 Girl’s Singles
Champion    : Lalrempuii, Ralte Villa BC
Runners up    : Zoramthari, Ralte Villa BC
U-17 Boy’s Doubles
Champion    : C. Lalramsanga & H. Lalthazuala, Ralte Villa BC
Runners up    : Lalnuntluanga, NSBC & Marcus Lalthanzuala, BBC
U-15 Boy’s Singles
Champion    : Sainunmawia Sailo, BBC
Runners up    : Malsawmhlua, Ralte Villa BC
U-15 Girl’s Singles
Champion    : H. Lalrinhlui, Ralte Villa BC
Runners up    : Zoramthari, Ralte Villa BC
U-15 Boy’s Doubles
Champion    : Malsawmhlua, Ralte Villa BC & Vanlalpekhlua Sailo, SKBC
Runners up    : Sainunmawia Sailo & Samuel F. Rodinga, BBC
U-15 Girl’s Doubles
Champion    : MC Romalsawmi & Malsawmhlui, MUBC
Runners up    : H. Lalrinhluii & oramthari, Ralte Villa BC
U-13 Boy’s Singles
Champion    : Mesak Lalrawngbawla, Ralte Villa BC
Runners up    : HT Rohminghlua, Dinthar BC
U-13 Boy’s Doubles
Champion    : H.T Rohminghlua, Dinthar BC & Mesak Lalrawngbawla, Ralte Villa BC
Runners up    : Benjamin Malsawmkima & Jonathan Lalremtluanga, BBC
U-11 Boy’s Singles
Champion    : Abraham Lalnunthara, Serchhip BC
Runners up    : Lalhlimpuia, NSBC