A rualpui zinga badminton-a India rama hriat hlawh phak, Sainunmawia Sailo chu NEXA GIG Motors MBA Junior Official Championship 2024-ah mal tan huang hnihah a champion leh ta a. Amah ang bawka ram pum huapa hriat hlawh, Malsawmhlua (Mama) erawh mal tanah che tha tawk lo mah se a thiam zawkna, doubles-ah erawh huang hnihah a champion.

Mizoram Badminton Association (MBA) buatsaih intihsiakna hi Thawhtanni atanga khelh tan kha niin Inrinni khan Ramhlun Indoor Stadium, Aizawlah final khelh niin khar a ni.

Hriat hlawh Mawia leh Mama an langsar

Kumin championship-ah hian Mizoram player thate chu an tel kim hle a, hming langsar ber chu Sainunmawia Sailo a ni.

Mawia hian Under 17 Boy’s Singles leh Under 19 Boy’s Singles-ah champion thei tura beiseiawm ve ve, Mama leh C. Lalramsanga te deciding game-ah a hneh ve ve a, maltan huang pahnihah nomawi a hum haw.

Mawia hi tun hnai lawka JSK-Chetan Anand Sports Centre, Ameenpur, Miyapur, Hyderabad, Telengana-a Yonex-Sunrise All India Sub-Junior Ranking Badminton Tournament 2024-ah a kawppui, Ishita Negi nen Under 17 Mixed Doubles huangah bronze medal la kha a ni.

Under 19 Boy’s Doubles-ah a tanpui, Vanlalpekhlua Sailo nen final an lut bawk a, inkhel hmuhnawm leh inhnehtawk takah Mama leh C. Lalramsanga te tangdun hneh lovin pahnihna an ni ta thung.

Serchhip rawlthar, Ralte Villa Badminton Club-a khel, Mama pawh a che chhe lo va, category pathumah final lutin maltanah nomawi hlawh chhuak zo lo mah se a thiam zawkna, doubles-ah erawh ngam an awm lo.

Mama hi Boy’s Doubles huang hnih, Under 17 leh Under 19-ah a tanpui nen an champion a, Under 17 Boy’s Singles-ah erawh final-ah Mawia a ngam ta lo a ni.

Mama hi a rualpui zingah chuan India-a hriat hlawh tak ni tawhin nikum khan Yonex Sunrise 2nd Ashwini Gupta Memorial All India Sub-junior Ranking Badminton Tournament 2023-ah a kawppui, Andhra Pradesh naupang, Mahendra Kalahasthi nen Under 15 Boy’s Doubles huangah an lo champion tawh bawk.

Mipaah hian Mesak Lalrawngbawla, Ralte Villa BC pawh a langsar hle a. Under 15 Boy’s Singles leh Under 15 Boy’s Doubles-ah a champion kawp a. Denis Romawia Rivung, Chaltlang Badminton Club pawh Under 13 Boy's Singles leh Under 13 Boy’s Doubles-ah champion nomawi a a la bawk.

Kolasib naupang duhawm Tirza-i

Hmeichhe lamah Kolasib naupang, Tirza Lalremruati, North Kolasib Games & Sports Association chu category thumah final a lut a, Under 13 Girl’s Singles leh Under 13 Girl’s Doubles-ah champion-in Under 15 Girl's Singles-ah erawh Zoramthari a ngam ta lo thung.

Hmeichhe huanga inelna hautak ber, Under 19 Girl’s Singles-ah Lalrinkimi, Mission Veng Badminton Academy chuan Lalrempuii, Ralte Villa BC chu deciding game-ah hnehin a champion a ni.

Ngaihhlut hlawh leh inkhel tam ber tum

MBA leh Tata Trusts (NEIDA) te thawhhona hmanga buatsaih state championship hi Badminton Association of India (BAI) calendar-a lang pha tournament a nih avangin ngaihhlut a hlawh a, player tel pawh an tam hle.

Tournament khel turin Mizoram pawn leh chhunga academy hrang hrang atangin player an pungkhawm a. Inkhel 264 lai awmin Official Junior Championships-a a tam ber tum a la ni.

Tournament kharna inkhawm hi Jeje Lalpekhlua, MLA-in khuallian niin a hmanpui a. Hmeichhe chawikanna lam thawktu, tun tournament-a hmeichhia tel an tam theih nana lawmman tam zawk an dawn theih nana puitu ni bawk, Mizoram sorkar hnuaia Women & Child Development Director Zoramthangi thu a sawi bawk.

Senior Championship chu tun kar hian khelh chhunzawm leh nghal a ni dawn a, junior-a inlan thenkhatte pawh an inlan zui lehnghal ang.

CHAMPIONSHIP RESULT:

Under 11 Boy’s Singles:

Champion: Gabriel Vanlawmkima, CSC

Runner up: Lalmalsawma Lianhna, MVBA

Under 11 Girl’s Singles:

Champion: Lalruatkimi, NSBC

Runner up: Rosalin Lalmalsawmi, Tuikual BC

Under 13 Boy’s Singles:

Champion: Denis Romawia Rivung, CTBC

Runner up: K. Liansangzela, RUBC

Under 13 Girl’s Singles:

Champion: Tirza Lalremruati, NKGSA

Runner up: T. Lalmuanpuii, BCR

Under 15 Boy’s Singles:

Champion: Mesak Lalrawngbawla, Ralte Villa BC

Runner up: HT Rohminghlua, CTBC

Under 15 Girl’s Singles:

Champion: Zoramthari, CSC

Runner up: Tirza Lalremruati, NKGSA

Under 17 Boy’s Singles:

Champion: Sainunmawia Sailo, SPBC

Runner up: Malsawmhlua, Ralte Villa BC

Under 17 Girl’s Singles:

Champion: H. Lalrinhlui, CSC

Runner up: Zoramthari, CSC

Under 19 Boy’s Singles:

Champion: Sainunmawia Sailo, SPBC

Runner up: C. Lalramsanga, MBC

Under 19 Girl’s Singles:

Champion: Lalrinkimi, MVBA

Runner up: Lalrempuii, Ralte Villa BC

Under 19 Boy’s Doubles:

Champion: Malsawmhlua, Ralte Villa BC & C. Lalramsanga, MBC

Runner up: Sainunmawia Sailo, SPBC & Vanlalpekhlua Sailo, CTBC

Under 17 Boy’s Doubles:

Champion: Joel Ramdinmawia, BCR & Malsawmhlua, Ralte Villa BC

Runner up: Vanlalhruaia Sailo & Vanlalpeka Sailo, CTBC

Under 15 Boy’s Doubles:

Champion: HT Rohminghlua, CTBC & Mesak Lalrawngbawla, Ralte Villa BC

Runner up: Jacob Lalchhandama & Lalthuthlungmawia, NSBC

Under 15 Girl’s Doubles:

Champion: K. Lalrempuii & Lydia Lalnunfeli, SBC

Runner up: Lalruatfeli & Malsawmhlui Vanchhawng, NSBC

Under 13 Boy’s Doubles:

Champion: Denis Romawia Rivung, CTBC & K. Liansangzela, RUBC

Runner up: Abraham Lalnunthara, NSBC & V. Lalhmingmuanpuia, RUBC

Under 13 Girl’s Doubles:

Champion: Nora Lalrinzuali, SBC & Tirza Lalremruati, NKGSA

Runner up: Lalruatfeli, NSBC & Lalthakimi, SKBC