Mizoram Badminton Association (MBA)-in kum 35 chin chung lamte tana a buatsaih, MBA Masters Badminton Championship 2023 zawh fel takah category pahniha champion thei, Hlimen shuttler pahnih, Lalmuanawma leh Zarzokima te an langsar.

Serchhip District Badminton Association-in Nilaini leh Zirtawpni inkara Serchhip Indoor Stadium-a inelna a thlenah hian category pariat - 35+ Men’s Singles, 35+ Men’s Doubles, 40+ Men’s Singles, 40+ Men’s Doubles, 45+ Men’s Singles, 45+ Men’s Doubles, 50+ Men’s Doubles leh 55+ Men’s Doubles-ah inelna neih a ni.

Mizoram Police Badminton Club (MPBC)-a khel, Muanawma hi category pathumah final lutin 40+ Men’s Singles leh 40+ Men’s Doubles-ah nomawi a la a, 35+ Men’s Doubles-ah erawh a kawppui nen an champion zo lo thung.

Chanmari Shuttler Club (CSC)-a khel, Zarzokima hi final a luhna pahnih, 35+ Men’s Singles leh 35+ Men’s Doubles-ah a champion ve ve thung.

Mizoram No. 1 ni rei ber, Muanawma hi 40+ Men’s Singles-ah Joseph M. Lalrinawma, CSC nen final-ah inhmachhawnin 21-11, 21-11 in a chak a. 40+ Men’s Doubles-ah Albert Lalnunhlima, Ralte Villa BC nen tangdunin Lalthanliana, Ralte Villa BC leh Joseph te tangdun chu 21-19, 21-16 in an hneh bawk.

Zarzokima hian 35+ Men’s Singles final-ah C. Lalnunpuia, Serchhip Kawnpui Badminton Club chu 21-13, 21-6 a hnehin a champion a. 35+ Men’s Doubles-ah Joseph-a nen tangdunin Muanawma leh Albert Lalnunhlima, Ralte Villa BC te tangdun chu 21-12, 21-16-in straight set bawkin an hneh.

45+ Men’s Singles-ah Lalthanzuala, MPBC chu final-ah straight set-a chakin a champion a, 45+ Men’s Doubles-ah Lalthanliana, Ralte Villa BC leh Benjamin Lalrintluanga, TBC te tangdunin champion nomawi an dawng thung.

50+ Men’s Doubles-ah Lalhlimpuia, ZTBC leh Lalthansanga, DBC te champion in, 55+ Men’s Doubles-ah R. Lalrinkima, CBC leh Zabiakthara, KBC te chu an champion bawk.

RESULT KIMCHANG:

35+ Men’s Singles:

Champion: Zarzokima, CSC

Runner up: C. Lalnunpuia, SKBC

35+ Men’s Doubles:

Champion: Joseph M. Lalrinawma & Zarzokima, CSC

Runner up: Albert Lalnunhlima, Ralte Villa BC & Lalmuanawma, MPBC

40+ Men’s Singles:

Champion: Lalmuanawma, MPBC

Runner up: Joseph M. Lalrinawma, CSC

40+ Men’s Doubles:

Champion: Albert Lalnunhlima, Ralte Villa BC & Lalmuanawma, MPBC

Runner up: Lalthanliana & Joseph M. Lalrinawma, Ralte Villa BC

45+ Men’s Singles:

Champion: Lalthanzuala, MPBC

Runner up: ZD Zohmingliana, Bungtlang BC

45+ Men’s Doubles:

Champion: Benjamin Lalrintluanga, TBC & Lalthanliana, Ralte Villa BC

Runner up: Lalhlimpuia, ZTBC & Lalthansanga, DBC

50+ Men’s Doubles:

Champion: Lalhlimpuia, ZTBC & Lalthansanga, DBC

Runner up: Lalthanzuala, MPBC & Rosangliana, ZTBC

55+ Men’s Doubles:

Champion: R. Lalrinkima, CSC & Zabiakthara, KBC

Runner up: Lalthanzuala, MPBC & Rosangliana, ZTBC