Mizoram Badminton Association senior leh junior official championship 2022, Khawzawl leh Lunglei a neih tura ruahman lawk tawh chu, Badminton Association of India (BAI) calendar chhuak thar berah Mizoram Badminton Association tournament buatsaih tur nen a hun a in nan buai dawn avangin August thlaah MBA tournament hi sawn hlat a ni.

Khawzawl-a senior official championship hi June ni 28 atanga July ni 1, 2022 chhung khelh tura ruahman a ni a, Junior official championship hi July ni 5-8, 2022 inkar a neih tura tih a ni bawk. Mahse, BAI calendar rawn chhuak tharah, tournament khelh hun tura ruahman lawk leh Inter Institutional Badminton Tournament te, Junior leh Sub-junior National Ranking Tournament a innan dawn avangin leh, he tournament-ah hian Mizo shuttler tel turte tana hun siam sak a ngaih bawk si avangin tournament neih tura ruahman tawh chu a hun sawn a ni. 

Mazuala Memorial MBA Official Championship 2022 - Senior, Khawzawl a neih tur chu August thla chawlhkar hnihna-ah sawn a ni a, MBA Official Championship 2022 - Junior, Lunglei a neih tur chu August chawlhkar thumna-ah sawn a ni thung. Tournament chungchanga hriattirna kimchang chu organizing committee lamin an tichhuak leh ang.