Aizawl: Sports & Youth Services Minister Zodintluanga chuan nimin chawhnu dar 2:30 khan Mizoram Civil Services Sports & Cultural Association huaihawt 30th Annual Sports Meet 2017 (Inter-Departmental) chu R. Dengthuama Indoor Stadium-ah a khar. Minister chuan Sports thiamna avanga thalaite sawrkar department-a hna thawhna remchang petu Department hrang hrang hnenah lawmthu a sawi a. “Sports Meet hian sawrkar department hrang hrang thawktute thawhhona tha siam se chu chu mipuiin chhawr se ka ti,” a ti bawk. September ni 12 atanga neih tan 30th Annual Sports Meet 2017-ah hian sawrkar department 60 vel atangin infiammi an tel a. Inelna hi Badminton, Table Tennis, Chess, Corrom, Shooting leh Chinese Checker-ah te neih a ni. Overall champion Police Dept. niin Gold 12 an dawng a ni.