Music Domain Mizoram (MDM) chuan a hmasa ber ni turin August 26, 2022 (Zitawpni) khan Lungleiah District Headquarters an hawng ta rup mai. Hruaitu thar puanna hun neih nghal a nih bakah, zan lamah free concert an buatsaih zui bawk. 

MDM hian District Headquarters din dilna an lo dawng fo tawh a, a tirah chuan din tumna an nei lem lo. Mahse zaimite tana chak zawka hmalakna atan leh an than chhoh zelna atana pawimawh nia ngaiin District Headquarters din hi General Assembly chuan a ti tlu ta a ni. Chumi hmalakna hmasa ber atan chuan MDM District Headquarters Lunglei chu a lo dingh ta a ni. 

Hruaitu thar puanna hun neih nghal a ni a, President hmasa ber atan Lalrinmawia Punte chu ruat a ni. OB atan hian zaimi tha tak ruat an ni a, anni hian an thawhpui tur Executive Committee member an ruat leh dawn a ni. 

OB THAR TE
President - Lalrinmawia Punte, Ramthar Veng
Vice President - C. Lalnunpuia, Bazar Veng
Secretary - David Lalzawmliana, College Veng
Asst. Secretary  - F. Zomuanpuia, Chanmari Veng
Treasurer - Bethsy Lalrinsangi, Bazar Veng
Finance Secy. - Sailo Lalsangzuali, Rahsi Veng
Information Secretary - T. Rochamliana, Theiriat Veng