Danish band lar Michael Learns To Rock (MLTR) chu Meghalaya sawrkar buatsaih 'Me’gong Festival' ah an inlan dawn. MLTR hi kum 2005 khan Meghalaya-ah hian an lo kal tawh a, a vawi hnih nan concert an rawn nei leh dawn a ni. 

Me’gong Festival-a MLTR te perform tur thu hi Meghalaya Chief Minister Conrad K Sangma chuan tun hnai khan a puang a, festival chhim tur hian band hriat hlawk tak tak sawm an nih thu a sawi. Inlan tur zingah hian khawvel huapa pop rock band lar MLTR te hian boruak an nei lian ber a, mipui an hip khawm hnem leh viauin a rinawm. 

Kum 1988-a din MLTR hi October 2005 khan Jawaharlal Nehru Sports Complex, Megahalaya-ah hian an lo inlan tawh a, mipuiin an ngaihhlut em avangin state sawrkar chuan a chah chhuak leh dawn ta a ni. Me.gong Festival 2022 neih hun tur hi tarlan a la ni lo thung.