ZALEN May 6, 2026 : Meghalaya sawrkar chuan kumin March ni 9-a Garo Hills Autonomous District Council (GHADC) inthlan tura hming pek luh (nomination) chungchanga buaina chhuak leh tharum thawhna thleng chhui turin Commission of Inquiry, Justice Vaiphei kaihhruai tur a din.

Garo Hills-a mipui lungrual lohna leh tharum thawhna avanga nunna chan leh sawrkar leh mimal thil tam tak tihchhiat a nih hnuah, sorkar chuan thil thlen dan dik tak chhui a ngai tih a pawm a. Hei vang hian 'Commission of Inquiry Act, 1952' tlawhchhanin Meghalay Larsap chuan Commission of Inquiry dinin, Chairman atan Justice (Retd.) T. Vaiphei chu a ruat a ni.

He Commission hian thil thlen dan an chhui chhuahna leh rawtna te chu hriattirna (notification) tihchhuah a nih atanga thla 6 chhungin State sawrkar hnenah an thehlut hman turin a ti a ni.